Schwömmerleed PDF Drucken

Unser Vereinslied

 


Bokelt is 'ne moje Stadt, dat weet jao jedereene.
Door kallt se nix as Bokelt Platt,
door güff es Pannekoken satt.
Un de Fabrikers könnt sick met de Heerens
so deiwels good verstaohn, so laot moor widergaohn.


Door buten an denn Tonwerk's Kolk
de Schwömmers bünt door all bijneene.
Dat is en ganz pläsirig Volk,
so harrt es Heggenbökenholt.
Un de Maikes könnt sick met des Junges
So deiwels good verstaohn, so laot moor widergaohn.


Dat Water mäck van buten natt,
van binnen bliewt wij ook neet dröge.
Un kriegt wij ook es wat vör't Gatt,
dat bört uns nee van unse Högte.
De Spöllers dood, as was'ent Brü'ers,
sick deiwels good verstaohn, so laot moor widergaohn.


Un up denn mojen Tonwerk's Kolk
door fangt se ok all an te segeln.
Un wann dat Ijs in't Fröhjaohr schmöllt,
dann güff et nix wat Seglers hölt.
Un de Seglers könnt sick met jedereene
so deiwels good verstaohn, so laot moor widergaohn.


De Tennisspöllers bünt verrückt,
se haut denn Ball wall teggen de Mühre.
De annern spöllt up'n roden Sand,
kloppt öwern Tuun bey Vader Buss upt Land.
De Profis met de Amateure,
de sallt sick good verstaohn, so laot moor widergaohn.


Dor gew et noch denn Triathlon
for Schwömmen, Fietsenfürn un loopen.
De Lö verstaohn ganz völl dorvan,
bünt alltied fit ganz ohne dopen.
En bättken fürt se met de Fietse
un dann in´t Water goan, vull deiwelsgood verstoan.
Hallihallo un ümmer flott
wej makt uns nee kapott.


So läwt wij godd jaorut, jaorin,
wall bis an unse letzen Dage.
Un scheert wij dann naon Hemmel 'rin,
dann lehrt wij door ne nije Lage.
Und de Schwömmers könnt sick met de Engelkes
so deiwels good verstaohn, so laot moor widergaohn...

 
tonwerke4.jpg